|
| 
好耐都未試過飲茶食咁多野............真係超飽 ~同阿ling講完自己一路放係心既說話,講完之後整個人真的放鬆了,但其實還有很多很多還在裡........... | | |
| ~~話劇班真係峰迴路轉,又無得做後台要演出,到演出都無機會,最新消息係需要後台幫手加上要上台講兩句對白,真係點都估唔到 兩台對白.......無論對白多少我都好想演活角色,張劇本裏既角色完完全全立體係舞台上,GOOD SHOW!! 
~~終於有新電話用啦,不過一直對買新電話都無咩意欲,只係因為家姐換新電話所以先有興趣,男人始終都係貪新鮮既動物,當然唔會忘記舊電話,始終係一件對我黎講係一份有意義既禮物 
~~對於長髮,其實可能每個男仔係年青既時候都會留一把長髮或頭髮遮眼,回想自己都有而且睇番舊相哥哥一樣有而且比我當時還要長,而家睇到長髮既表弟第一個反應係"嘩!!你搞乜呀",所以回想番其實我自己都有經歷過無咩大不了 
~~尋晚開完會明威帶左我地去一間韓國飯店,一直以黎食韓國野比我既印象都只係$98任食既形式,但係依間就好唔同,所有侍應都係韓國人而且佢地會幫你燒所點既菜,加上其他好味既餸菜,真係......正!!!! 
好好食既豬肉,燒完之後D脂肪同D肉真係無得頂,肉汁同D脂肪都好平均加上燒到剛剛好.........好味!!! 
以上都係用話影,不過影出黎睇返,影到D食物似無咩吸引,都係要多多練習先得 ~~其實人係唔係當好想得到一件東西既時候,係現實得唔到就會利夢去滿足自己,又再次發一個無有機會發生既夢,現在既我真係無信心實現這個夢,不過有問過自己如果當我覺得我可以應付到的話,我會做嗎??答案是我會,所以現在我要用盡我既能力去實現那個夢 講開發夢,身邊有一位朋友發了一個夢而找到了另一半,兩個人能夠一齊其實係一件奇妙既事情,有人會相識好多年先會發展,有人會相識一個好短既日子,有人甚至只係一眼........... 祝福那位朋友和他的另一半有幸福的生活 | | |
| 
~~睇完之後再經歷明哥既理葬禮,認真覺得死亡其實可以好突然既事情 可能昨天還在一起有說有笑,今天會聽到一個離開既消息 在電影中和親身經歷中看過兩個唔同文化既葬禮 令我覺得葬禮除左令去世的得到安息,而且將認識去世者的人集中在一個地方去懷念他的過去 睇電影之前有問過自己會唔會播某處時而流淚,但當播放既時候背景中有kate的笑聲(因在電腦室播 放),令到現場既氣氛有點舒和,不過當我睇到主角幫他爸爸走最後一程時我真的忍不住 那一刻我想到主角雖然好憎恨他爸爸從小就離開,再次相聚已經係最後一次,而且用自己的專業好好 送爸爸最後一程 這一幕令我更加諗起白頭佬,還記起一句說話"不要想現在失去多少,是要想想現在還有多少" ~~今個星期開妍白頭佬再唔係只有兩星期先見佢一次,而係每個星期都可以和他見面,事關澳門既工 程現在已經減少,再加上他的年紀我諗他的退休計劃就快要開始,到時再唔係以星期計算見到他的時 間而是每一日都可以見面,到時何家應該會笑聲不絕,因為尋晚突發的曱甴事件真係笑死 | | |
| 本來一心一意做幕後,但因人手不足,所以將要踏上台板 無得做幕後始終都有唔開心 不過算啦,有d野係定左,如果想改變到頭來都係無能為力 其實做幕前都係一個好大既挑戰 而家惟有用我既集中加認真去做好我既小角色 如果某一日我問你 "我上台表演呀,你會到嗎??" 希望到時大家抽一點時間 | | |
| 妻: 喂,唔好意思呀,遲到少少 夫: 少少~~成個鐘啦 妻: 耶!!人地頭先睇中幾個手袋,又睇中個Gucci,但又睇中個LV,行行下仲睇中個CHANEL,你話好唔好全部要哂呀!!(妻一邊講夫一邊摸身摸世) 你做咩野姐 夫: 唔好講咁多咀啖先 妻: 痴線嫁街黎嫁 夫: 咁去開房,我最近有去健身FIT左好多 妻: 健身??你呀!你呀!睇你練D咩出黎,你個死佬我初初識你又斯文又有風度,結婚前都有六舊腹肌,而家你睇下睇下 夫: 而家咩呀!我果六舊腹肌無哂都係因為你,成日話食依樣食果樣,到頭來咪又係我食哂,我而家一舊腹肌仲型仲正 妻: 我費事同你講,我肚餓我要食野 夫: 咁食咩呀 妻: 我唔知呀!你自己諗 夫: 泰國菜 妻: 我唔想食辣 夫: 日本菜嗱 妻: 唔想食生野~~~你知唔知我想要咩姐 夫: 唔知呀! 我真係唔知你想要咩呀 妻: 我要去日本餐廳食意大利菜 夫: 你係唔係玩野呀 妻: 咁我鍾意間日本餐廳裝修,但又想食意大利菜咁唔得咩 夫: 咁人地日本餐廰點整意大利菜呀!唔通我自己去人地厨房煮呀 妻: 咁你有錢呀麻,有錢咩都得嫁啦! 你煮喎,都唔知食唔食得落肚 夫: 你都痴線, 有錢有錢,諗野都唔經大腦o既,成日諗d野出黎都無可能做到有時我真係唔明你 妻: 唔明, 唔明咁你又同我結婚 夫: 係呀,我真係唔明我當年有錢有身材我真係唔知點解會揀你 算啦!!我地都係離婚。 妻: 你講咩話我比你講多次 夫: 離婚呀! 我話離緍呀!! 妻: 好呀! 好呀! 係你話離婚,你唔好再搵我 | | |
|
|
